Нова мутација на САРС-КоВ-2 коронавирус е откриена во Норвешка, тврди главниот лекар на општината Трондхајм, Тове Рестад, додека „Роспотребнадзор“ наведува дека не е утврден нов сој на вирусот во Русија.

Норвешкиот таблоид „Верденс Ганг“ денеска објави дека е откриена нова мутација на коронавирусот во Трондхајм, град на северот на земјата, пренесува агенцијата ТАСС.

Русија, сепак, не идентификувала ниту еден нов сој на коронавирус што би можел да биде суштински различен од оној што циркулира во други земји, објави надзорниот орган за заштита на потрошувачите „Роспотребнадзор“.