Најдобриот српски тенисер повторно беше приморан да игра три сета, но пак во одлучувачкиот беше надмоќен и заслужено се пласира во финалето на Мастерсот во Рим. По Хуан Мартин Дел Потро, и вториот Аргентинец, Диего Шварцман го намачи првиот рекет на светот Новак Ѓоковиќ, но тоа беше недоволно за победа.

Ноле без многу проблеми со 6-3 го освои првиот сет, но Шварцман одигра моќно во вториот и преку тај-брејкот стигна до израмнување во сетови (1-1). Сепак, кога беше најпотребно, Ѓоковиќ се издигна и не дозволи изненадување (6-3).

Во големото финале, кое е закажано за утре од 20:00 часот, Ѓоковиќ ќе се сретне со големиот ривал Рафаел Надал, кој денес рутински го совлада Стефанос Циципас.