Иран ги координирал нападите на воздухопловната база во Катар и ѝ испратил на земјата однапред предупредување да избегне човечки жртви, објави денеска американскиот весник „Њујорк тајмс“.

Иран денеска изврши ракетни напади врз американските бази во Катар и Ирак, како одговор на американското бомбардирање на иранските нуклеарни постројки.

Катарските власти соопштија дека ракетите биле пресретнати и немало жртви, осудувајќи го иранскиот напад и истакнаа дека Катар го задржува правото да одговори со пропорционална сила.

Воздушниот простор е затворен во Катар, Ирак, Бахреин и Обединетите Арапски Емирати поради заканата од ирански напади.