По заминувањето на Бери Робсон поради лошите резултати, шкотскиот фудбалски клуб Абердин беше во потрага по нов тренер.

На својот официјален клупски сајт Шкотите објавија дека до крајот на сезоната екипата ќе ја води Нил Ворнок. Дебито на клупата ќе го има во вторник на „Иброкс“ против тимот на Ренџерс.

Ворнок повеќе од 40 години е на терените, покривајќи речиси 2000 натпревари, најмногу од сите менаџери во историјата на англискиот професионален фудбал.

Тоа го однесе во 15 различни клубови, вклучувајќи ги Шефилд јунајтед, Лидс јунајтед, Кристал палас, КПР, Кардиф сити, Мидлсброу и од неодамна, Хадерсфилд таун.

Во својата менаџерска кариера, тој имаше извонредни осум промоции во седум различни клубови – уште еден рекорд во англиската фудбалска лига, воедно водеше три различни тимови во англиската Премиер лига.

Во изминатиот период македонскиот репрезентативец Бојан Миовски повторно се запиша во листата на стрелците во шкотската Премиер лига во ремито на Абердин против Селтик.