Насилството со огнено оружје станува елемент во американскиот живот – но прашањето е многу политичко, спротивставувајќи ги застапниците за контрола на оружјето против секторите од населението кои жестоко го заштитуваат нивното право да носат оружје, пишува „Би-Би-Си“.

Само годинава има повеќе од 70 масовни престрелки низ САД, при што Калифорнија доживеа две од најпознатите во јануари. Синоќешното пукање во училиштето во Нешвил повторно го постави прашањето за тоа како владата во САД ќе се справи со контролата на оружјето во земјата.

Синоќа на социјалните мрежи се појавија снимки од вооружена девојка како влегува во училиште во Нешвил и убива шест луѓе, меѓу кои и три деца.

Active shooter Audrey Elizabeth Hale drove to Covenant Church/School in her Honda Fit this morning, parked, and shot her way into the building. She was armed with 2 assault-type guns and a 9 millimeter pistol. pic.twitter.com/mIk2pDmCwQ

— Metro Nashville PD (@MNPDNashville) March 28, 2023

Од американската полиција соопштија дека убиството го извршила Одри Елизабет Хејл, трансродова жена, за која велат дека имала и аутизам. Полицијата ја застрела неа откако пристигна на местото, но до тогаш таа веќе имала убиено шестмина.

Мајката на убиецот повика за поголема контрола на оружјето

Норма Хејл, мајката на девојката од Нешвил која уби шест лица, повика на зголемена контрола на оружјето.

„Многу е тешко, дека денес ја изгубив ќерка ми“, рече Норма, барајќи приватност додека нејзиното семејство се справува со последиците од масакрот на Одри.

Полицијата неа ја идентификувала како трансродова. Таа била родена како жена и се верува дека живеела како маж под името Ејдан, пишува „Гардијан“.

Објавите на мајката на кои ги осудува пукањата во училиштата и повика на зголемена контрола на оружјето, дојдоа по масакрот во училиштето каде учела самата Одри.

Норма и нејзиниот сопруг Роналд се опишани како многу фини и религиозни соседи. Засега не е официјално познат мотивот за масакрот што го изврши нивната ќерка.

Претрес во домот на убиецот

Извори блиски до семејството за „Дејли бист“ изјавија дека Одри била „многу мирно девојче“, а неодамна објавила дека го сменила својот пол, но не била задоволна од реакциите на нејзините блиски, тврдејќи дека трансродовите лица во САД се „премногу дискриминирани“.

„Релативно неодамна таа објави дека е трансродова личност, идентификувајќи се како тој/него“, рекол изворот за медиумот, барајќи да остане анонимен за да избегне „понатамошни семејни расправии“.

При претресот на домот на Хејл се пронајдени „нацртани мапи на училиштето, со детали за надзорот, влезните точки и слично“, соопшти полицијата, како и манифест и некои списи во врска со овој датум, вистинскиот инцидент, како ќе се одвива сето ова.

Внатре во автомобилот што Хејл го возела и паркирала во училишниот кампус во петокот, утрото полицајците пронашле дополнителен материјал напишан од неа, објави полицијата.

Најмасовните убиства во САД

Додека САД немаат единствена дефиниција за „масовни престрелки“, Архивата за огнено насилство го дефинира масовното пукање како инцидент во кој четири или повеќе лица се повредени или убиени. Нивната бројка вклучува пукања што се случуваат и во домовите и на јавни места.

Во најсмртоносниот таков напад, во Лас Вегас во 2017 година, загинаа повеќе од 50 луѓе, а 500 беа ранети. Сепак, огромното мнозинство на масовни престрелки оставаат помалку од 10 мртви.

Ништо не ја запира крвавата спирала масовни пукања во Америка