МВП играчот на Суперболот, квотербекот на шампионот Канзас сити чифс, Патрик Махомс, се согласи да потпише нов договор и тоа на наверојатни 10 години со што ќе стане најплатен играч во историјата на НФЛ лигата.

Младиот 24-годишен Махомс кој се смета за најдобар квотербек во НФЛ, преземајќи го приматот од Том Брејди, денеска влезе во историјата на овој спорт откако ги договори сите услови за потпишување нов договор.
Според ЕСПН, Махомс се сосгласил да стави параф на дури десетгодишен договор што значи дека во Канзас сити ќе биде до 2031 година.

Chiefs and QB Patrick Mahomes have reached agreement on a 10-year — 10-year! — contract extension that ties him to Kansas City through the 2031 season, league sources tell ESPN.

— Adam Schefter (@AdamSchefter) July 6, 2020

Овој договор ќе го направи Махомс најплатен играч во историјата на НФЛ, иако не се наведуваат бројките, се шпекулира дека најдобриот квотербек во лигата ќе заработува неверојатни 40 милиони долари по сезона.

Махомс во 2019 година беше избран за најдобар играч во регуларниот дел од сезоната, а во плејофот дојде до финалето на конференцијата. Затоа минатата сезона тој го предводеше својот тим до крајот, Канзас сити чифс во Суперболот го победи Сан Франциско со 31:20, а младиот квотербек беше избран за МВП на финалниот натпревар.