Лионел Меси ова лето пристигна од Барселона во ПСЖ, неверојатниот Аргентинец мораше да го напушти каталонскиот великан по 20 години, а причина беа финансиите.

Барса не можеше да си го дозволи неговиот договор, а ПСЖ спремно го поздрави и го доведе Месија во своите редови.

Аргентинецот потпиша двегодишен договор со парискиот клуб со опција за продолжување на соработката за уште една сезона.

„Л`Екип“ ги откри деталите на договорот кој Меси го има во ПСЖ, а бројките изгледаат навистина неверојатно.

За три години, колку што Лео би можел да остане во главниот град на Франција, ќе инкасира нереални 110 милиони евра нето.

Платата на Меси е 30 милиони евра по сезона, а тој ќе има дополнителни 10 милиони за лојалност во втората и третата сезона во клубот.

Треба да се напомене дека ПСЖ ќе му плати на Лео и дополнителен милион евра во клупската криптовалута.