Неверојатната Томпсон-Хера мораше да забави за да не собори светски рекорд во полуфиналето на 200 метри
Олимписката шампионка на 100 метри, Илејн Томпсон-Хера, имаше фанстастична трка во полуфиналната трка на 200 метри. Таа на триесетина метри пред целта, значително ги забави своето темпо, но и покрај тоа постави нов личен рекорд од 21.66 секунди, што е шести најдобар резултат на сите времиња во оваа дисциплина.
На овој начин Илејн Томпсон-Хера го најави соборувањето на светскиот рекорд кој изнесува 21.34 секунди и кој е во сопственост на легендарната Флоренс Грифит-Џојнер уште од 1988 година.
Препорачано
-
1
-
2
-
3
Второ најдобро време во полуфиналните трки имаше 18-годишната Кристине Мбома од Намибија, 21.97 секунди, што претставува нов светски јуниоски рекорд.
Финалната трка на 200 метри во женска конкуренција ќе се одржи денеска, а стартот е закажан за 14.50 часот.
Разочарувачки настап во финалето во скок во далечина имаше Ивана Шпановиќ која го освои четвртото место во скок од 6.91 метри.
Златниот медал го освои Германката Малајка Михамбо со скок од седум метри, додека Бритни Рис од САД го освои сребрениот медал со скок од 6.97 метри. Идентична далечина имаше и Есе Бруме од Нигерија, но таа имаше послаби скокови од Рис.
Ивана Шпановиќ која важеше за главен фаворит за златниот медал, го освои четвртото место со скок од 6.91 метри, иако во квалификациите скокна точно седум метри.
