Денеска во рамките од 17. коло во најсилното италијанско фудбалско првенство Удинезе славеше пред своите навивачи со 2:1 против Каљари.

Кај домаќините македонскиот репрезентативец Илија Несторовски беше на клупата за резервни играчи, но не доби шанса за настап од тренерот Готи.

Во 39. минута Фофана му асистираше на Де Пол, а овој со еден прекрасен удар го „матираше“ гостинскиот голман Рафаел за предност од 1:0.

Израмнувањето дојде во 84. минута, Фараго центрираше во казнетиот простор каде што најдобро се снајде Жоао Педро.

Радосто на гостите не траеше долго, бидејќи веќе во наредната минута повторно се врати Удинезе во водство откако Фофана искористи една одбиена топка и од непосредна близина ја „закова“ топката во мрежата за голема радост на трибините.

На табелата Удинезе е на 14. место со 18 бодови, а Каљари кој го претрпе и вториот пораз ред е на петтата позиција со 29 бодови.