Денеска во првото полуфинале од Купот на Хрватска фудбалерите на Славен Белупо славеа по пенал серијата против Осиек.

Немаше голови во регуларните 90 минути, ниту во двете продолженија, па учесникот во финалето го дознавме по ударите од белата точка.

А во пенал серијата Славен Белупо беше подобар со 4:3. Во првата серија удари за Славен Белупо прецизен беше македонскиот фудбалер Илија Несторовски.

Во петтата серија откако Хернани не го реализираше својот пенал за Осиек, на спротивната страна „билетот“ за финале го донесе Борас.

Славен Белупо во финалниот меч ќе игра со победникот од второто полуфинале помеѓу Риека на Јован Манев и Истра 1961.