Несторовски го напушта Славен Белупо: Македонскиот напаѓач е блиску до договор со ФК Сараево
Искусниот македонски напаѓач Илија Несторовски на самиот крај од преодниот рок ќе го напушти Славен Белупо, пренесуваат хрватските медиуми. Поранешниот играч на Палермо и Удинезе е многу блиску до договор со фудбалскиот клуб Сараево од Босна и Херцеговина.
Препорачано
Пристигна во Славен Белупо кон крајот на август минатата година, но неговата соработка со клубот од Хрватска очигледно завршува.
Инсајдерот Филип Кожиќ известува дека 35-годишниот играч е на пат да го напушти Славен Белупо и е подготвен да се пресели во Сараево.
Клубот од Кошево го гледа како одлично засилување за продолжението на сезоната и борбата за врвот на табелата во првенството на БиХ.
Долга низа години играше во Италија каде што остави значаен белег, а исто така имаше и повеќе од 40 настапи за А репрезентацијата на Македонија. Несторовски одигра 31 натпревар за Славен Белупо, постигнувајќи девет гола и запиша две асистенции. Своевремено блескаше во дресот на Интер Запрешиќ (96 натпревари, 71 гол), а за Палермо постигна 39 гола и имаше 10 асистенции во 99 натпревари.
За Сараево веќе настапуваат двајца македонски фудбалери, Стефан Ристовски и Агон Елези.
Exclusive
Ilija Nestorovski (35) , striker, is on his way out from NK Slaven Belupo and is set to join FK Sarajevo! @BalkansSports_#Ilija #Nestorovski #Slaven #Belupo #FK #Sarajevo pic.twitter.com/2wYOCzQXTn
— Filip Kožić (@filip__kozic) August 30, 2025
