Илија Несторовски („Удинезе“) се враќа во правата гол-форма/Фото: instagram.com/udinesecalcio

Несторовски блеска ова лето, хет-трик против словенечката Илирија

Иако се најавуваше дека пред крајот на минатата сезона ќе го напушти Удинезе, Илија Несторовски одлучи да потпише нов договор со италијанскиот клуб Удинезе.

Илија Несторовски кој лани воглавно беше на клупата, а и повредата на коленото го принуди да биде надвор од терените, сега се бори повторно да добие место во стартните 11 пред новата сезона во Серија А.

Токму кога е најпотребно македонскиот напаѓач повторно блеска, и тоа во контролните мечеви летово кои служат како подготовка пред стартот на шампионатот.

Несторовски ја продолжува гол серијата, денеска благодарение на неговиот хет-трик Удинезе триумфираше со 3:0 против словенечкиот второлигаш Илирија. Головите нашиот играч ги реализираше во 48, 75 и 87 минута од средбата.

До сега во пријателските натпревари Несторовски запиша вкупно шест погодоци, претходно еден запиша против австрискиот Лиенц (11:0) и уште два во ремито со германскиот Унион Берлин (3:3).

Удинезе овој месец има закажано уште две контролни средби, на 21 јули против Баер Леверкузен и на 29 јули против Челси.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот