Британскиот актер Том Холанд (29) беше хоспитализиран откако се повреди за време на снимањето на новиот филм „Спајдермен“ во петокот, објави „Дејли мејл“.

Според извештаите, тој паднал и ја удрил главата додека снимал сцена и бил однесен во болница со брза помош со сомнение за потрес на мозокот. Се очекува снимањето да продолжи за неколку недели, откако Холанд ќе се опорави.

Актерот се појави на добротворна вечера во Лондон во неделата, заедно со својата партнерка Зендаја, но наводно си заминал порано бидејќи не се чувствувал добро.

Претходно беше објавено дека премиерата на новото продолжение на Спајдермен е поместена за 31 јули 2026 година, но повредата на Холанд би можела да влијае на тоа и повторно да го помести датумот.

И Холанд и Зендаја беа многу зафатени во последно време бидејќи и двајцата ќе се видат во новиот филм на Кристофер Нолан „Одисеја“.