Атлетико Мадрид не ја оправда фаворитската улога и освои само бод на гостувањето кај Мајорка (1-1) во петтото коло од Ла Лига. „Јорганџиите“ пропуштија златна шанса за водство во 14. минута, кога Хулиан Алварез не реализираше пенал.

По мирно прво полувреме, головите пристигнаа во финишот на натпреварот. Конор Галагер донесе водство за Атлетико во 79. минута, но само шест минути подоцна Ведат Муричи израмни и ги постави конечните 1-1.

Со ова реми, Атлетико останува со само 6 освоени бодови и се наоѓа на 12. позиција, додека Мајорка го освои вториот бод сезонава и е на претпоследното место.

Преземено од: Спорт.ком.мк