Непалската армија соопшти дека оваа година од врвот Еверест на Хималаите се собрани 11 тони ѓубре и дека се ископани четири трупови и еден скелет.

Освен Еверест извршено е годишно чистење и на другите планини. Во соопштението на непалската армија се наведува дека чистењето траело 55 дена. Наведено е и дека за пет години биле извадени вкупно 119 тони ѓубре, 14 трупови и неколку скелети.

Директорот на одделот за туризам во Непал, Ракеш Гурунг, изјави за Би-Би-Си дека владата планира во иднина да одвои поголем буџет за собирање ѓубре.

Се проценува дека на Монт Еверест има повеќе од 50 тони отпад и повеќе од 200 тела.