При спомнувањето на скарпача, Италијанците мислат на лето и тиквички. Питата со тиквички е омилена во Тоскана, особено околу Виареџо.

Преведено од италијански, питата нема многу репрезентативно име, „стариот чевел“ го должи своето име не на вкусот, туку на изгледот. Очигледно питата треба да биде тенка како ѓонот на истрошените чевли, но добредојдени се и подебели верзии на тестото, во зависност од вкусовите.

Скарпачата е гордост на Тоскана, а за да биде што повкусна, исцедете го вишокот течност од тиквичките.

Состојки:
900 г тиквички
200 г млад кромид
6 г свежа мајчина душица (сецкана)
300 г јајца (околу 7 големи јајца)
90 г брашно
30 г лук
240 г кашкавал или пармезан
10 мл маслиново масло
сол, бибер
млеко (околу 1 дл)

Подготовка:
1. Покријте го плехот за печење со хартија за печење.
2. Исечете ги тиквичките по должина на кришки или тенки стапчиња. Исечкајте го и младиот кромид.
3. Загрејте ја тавата со една лажичка маслиново масло и додадете тиквички, млад кромид и свежа мајчина душица, малку сол и прстофат бибер. Се динста на силен оган додека тиквичките не омекнат и не ја ослободат течноста. Префрлете ги во цедалка и оставете ги да се исцедат 10 минути.
4. За тоа време измешајте ги јајцата, лукот и брашното. Постепено додавајте околу 1 дл млеко за да добиете мазно тесто. Потоа додадете 200 г рендан кашкавал и измешајте.
5. Во подготвениот плех префрлете ги тиквичките во рамномерен слој, прелијте ги со смесата со јајца и посипете ги со преостанатиот рендан кашкавал.
6. Печете на 210 степени Целзиусови 15 – 20 минути. Кога малку ќе се излади, исечете ја питата и послужете ја.