Неодолива убавица со пишкоти која не се пече, со бел и со фил од нутела
Пишкотите, чоколадниот и белиот фил е сè што ви е потребно за совршен колач. Толку едноставно се прави, сè што треба да направите е пишкотите да ги натопите во млеко, па преку нив да сипете бел фил кој се состои од слатка павлака и маскарпоне сирење. Врз белиот фил се става чоколадниот за кој ви потребни нутела, слатка павлака и чоколадо.
Препорачано
Кога сите овие состојки ќе се спојат во еден колач ќе добиете неверојатно вкусен деликатес.
А, што е најважно, овој колач не се пече.
Состојки:
– 150 г пишкоти
– 200 мл млеко
– 300 г чоколадо
– 200 мл слатка павлака
– 100 г нутела
За филот:
– 500 мл слатка павлака
– 500 г маскарпоне сирење
– 80 г шеќер во прав
– 1 лажица ванилин шеќер
Подготовка:
Чоколадото и слатката павлака растопете ги, па додадете ја нутелата и мешајте додека сè се соедини. Изматете ја слатката павлака, па додадете го маскарпонето и шеќерот во прав.
Потопете ги пишкотите во млеко и наредете ги во калапот.
Прелијте ги со половина од белиот, а потоа со половина од чоколадниот фил. Потоа преостанатиот бел, па чоколадниот фил.
Оставете во фрижидер околу 30-40 минути.
