Освежителниот и кремаст чискејк е инспириран од познатиот мохито коктел и има неодолив вкус. Со овој десерт кој ги комбинира вкусовите на сирење, рум и лимета, ќе ги воодушевите и изненадите вашите гости. Необичната верзија на чискејкот е многу вкусна и освежителна.

Состојки:

За тестото:

– 2 чаши мелени бисквити
– 1 лажичка шеќер
– 1 прстофат сол
– 7 лажици стопен путер

За филот:

– 2 пакувања крем сирење (по 230 г)
– 1 конзерва слатко кондензирано млеко (400 мл)
– 1 лажичка екстракт од рум
– 4 лажички свеж сок од лимета
– кора од 2-3 лимета
– 3 капки неонска зелена боја за храна

Подготовка:

Загрејте ја рерната на 190 степени Целзиусови. Во сад измешајте ги мелените бисквит, шеќер и сол.

Додадете го растопениот путер и мешајте додека смесата не добие текстура на влажен песок. Префрлете ја смесата во калапот и рамномерно распоредете ја. Цврсто притиснете ја смесата на дното со прстите или со мерна чаша за да формирате кора. Печете ја кората 8 минути или додека не порумени. Оставете целосно да се излади.

Во сад изматете го крем сирењето и засладеното кондензирано млеко додека смесата не стане мазна и кремаста. Додадете екстракт од рум, сок од лимета и кора од лимета и продолжете со мешањето додека добро не се соединат сите состојки. Полека додавајте ја прехранбената боја, капка по капка, мешајте додека не ја добиете саканата нијанса.

Филот прелијте го врз изладената кора и одозгора измазнете ја.

Покријте со фолија и оставете го во фрижидер најмалку 3 часа да се стегне. Пред послужување, замрзнете го чизкејкот 30 минути за совршено да се стегне и украсете го.