Постојат многу варијации на темата овошни торти, но во овој рецепт се споени интересни состојки и сочинуваат десерт кој ќе го задоволи и најпребирливото непце.

Состојки:

– околу 300 грама пишкоти (3 пакувања од 1 ред)
– млеко за потопување
– 500 грама маскарпоне сирење
– 180 грама кисела павлака
– 200 милилитри слатка павлака
– 120 грама шеќер во прав
– 300 грама малини, но можат да бидат и свежи
– половина ќесичка желатин (5 грама)
– 2 лажици ладна вода
– свежи или сушени малини за декорација

Подготовка:

1. Во обрач или калап со пречник од 20 см, наредете ги пишкотите по работ и на дното, кои претходно кратко време сте ги потопиле во млеко.

2. Слатката павлака изматете ја со миксер во сад (не претерувајте со матењето).

3. Во друг сад изматете ги маскарпонето, киселата павлака и шеќерот во прав. Потоа, полека соединете сè во еден фил.

4. Желатинот измешајте го со вода и оставете го да набабри, па загрејте го само колку да се растопи и измешајте го со филот на следниот начин: прво додадете лажица од филот во садот со желатин и промешајте со жица, потоа соединете сè во еден фил, па така ќе нема грутки.
5. За редење на пишкотите ставете 3-4 лажици фил, па половина од малините, повторно 3-4 лажици фил и ред пишкоти потопени во млеко. Потоа повторно 3-4 лажици фил, остатокот од малините и на крај преостанатиот фил.

6. Тортата ставете ја во фрижидер преку ноќ, колку подолго, толку подобро.

7. Следниот ден извадете го обрачот, декорирајте по желба и уживајте. Ако филот ви изгледа густ или ако правите десерт во чаша, тогаш изоставете ги желатинот и водата!