Дизајнерите ги открија најчестите грешки кои луѓето ги прават при купување и поставување теписи, а споделија и корисни совети како да избегнете разочарување и да постигнете совршен изглед на вашиот простор.

Обрнете внимание на големината на собата

„Она што најмногу ме нервира е кога ќе видам соба со тепих со големина на поштенска марка. Тепихот треба да одговара на димензиите на просторијата, што значи дека треба да има растојание од 15 до 35 сантиметри од ѕидовите. Секако, тоа не важи за малите соби или за оние со скап под, каде што е подобро да се користи помал тепих“, објаснува дизајнерката Ен Хепфер.

Направете удобен амбиент во спалната соба

Доколку планирате да ставите тепих под креветот, се препорачува тој да „излегува“ најмалку 121 до 152 сантиметри од секоја страна. Исто така, кружните или овални килими можат да создадат убав контраст со правоаголен кревет. Помалите кружни килими од страната на креветот ќе ја дополнат удобноста на собата, советува дизајнерот Жан-Пјер Тортил.

Оставете доволно простор за мебелот

„Никој не сака кога нозете на мебелот се само делумно на тепихот или се нишаат затоа што не е целиот мебел на него“. Освен ако мебелот не е до ѕид, тепихот треба да биде под сите ногарки за мебел“, вели Хепфер.

Поголемото е секогаш подобар избор

„Кога имате помал простор, подобро е да инвестирате во поголем килим. Луѓето често ставаат премногу голем мебел во мала соба, а потоа ставаат мал килим. Мој совет е да се ограничите на неколку поголеми парчиња мебел и на тоа да го прилагодите тепихот“, објаснува Тортил.

Прилагодете го обликот на собата

Обликот на тепихот треба да зависи од обликот на просторијата и од тоа како планирате да го уредите мебелот. На пример, голем кружен килим може да ги омекне острите агли на собата. Тортил советува да поставите мал кружен килим на влезот, бидејќи тоа ќе помогне да се „отвори“ просторот за сите простории. Исто така, во големите простории можете да користите необичен тепих или дури и животинска кожа за да го одделите просторот и да му дадете нова функција.

Прилагодете го тепихот за вашата соба

Ако стандардната големина на тепих не ви одговара, постои решение. Можете да споите неколку помали килими или дури да исечете премногу голем килим, советува Хепфер.