Нема повеќе принуден карантин: Кина реши да ги ублажи мерките за корона по масовните протести
Новите реформи на државните власти се резултат на граѓанските протести против мерките за контрола на пандемијата што избувнаа низ Кина на почетокот на декември.
Препорачано
-
1
-
2
-
3
Кина значително ја олесни својата строга политика за нулта Ковид, па повеќето жители со благи или никакви симптоми на Ковид сега ќе можат да бидат ставени во карантин дома, наместо во владини институции, пишува „Би-Би-Си“.
Сепак, ова ублажување се случува во време кога земјата се соочува со најголемиот бран на инфекции со над 30.000 заразени секој ден, така што ова е најголемиот потег досега на Кина, која полека се оддалечува од својата строга политика на нулта инфекција со вирусот и, како што е случај насекаде во светот, сака да „живее со Ковид“.
Инаку, Кина досега ги принудуваше заразените со Ковид и сите што беа во близок контакт да одат во карантински кампови. Политиката беше крајно непопуларна бидејќи ги одвојуваше семејствата и ги отстрануваше луѓето од нивните домови. Снимките видени во текот на годината покажаа дека чуварите ги извлекуваат луѓето од нивните домови, откако ќе одекне веста дека добиле позитивен тест на вирусот.
