Кристијано Роналдо доби уште едно големо признание во својата блескава кариера, избран е за најдобар португалски фудбалер на сите времиња, награда што ја доделува Фудбалската лига на Португалија.

На свечената церемонија, Роналдо, кој моментално настапува за Ал-Наср и ја носи капитенската лента во репрезентацијата на Португалија, доби специјално признание за сè што направи во текот на кариерата. Во образложението стои дека станува збор за фудбалска икона која инспирира милиони, ако не и милијарда луѓе ширум светот.

Иако не беше присутен на настанот, Роналдо им се обрати на присутните преку видео порака.

„Искрено сум благодарен на сите соиграчи со кои ја делев кариерата, но и на тренерите кои ми помогнаа да напредувам и да станам она што сум денес. Ова признание многу ми значи“, истакна Роналдо.

Легендарниот напаѓач неодамна го одигра својот 223. натпревар за националниот тим, при што го постигна и 141. гол во победата над Унгарија (2-3), со што уште еднаш го потврди статусот на апсолутен рекордер кога се националните селекции во прашање.

Cristiano Ronaldo was awarded the Best of All Time honor at the Liga Portugal awards. pic.twitter.com/yIVnoJzTB8

— Al Nassr Zone (@TheNassrZone) September 10, 2025