Писмо во кое имало прашок со сомнителен состав утрово пристигнало до кабинетот на белгискиот премиер Александер де Кро, пренесоа белгиските медиуми.

Инцидентот го потврдија од Бриселската противпожарна бригада, која соопшти дека еден човек кој дошол во контакт со писмото, превентивно бил пренесен во болница. Полицијата и органите на цивилната заштита исто така биле повикани на местото. Ова е трет пат оваа недела во Брисел да се најде писмо со сомнителен прашок.

Во средата наутро сличен инцидент се случил во канцеларијата на Службата за државна безбедност, а уште еден сомнителен плик бил откриен во средата попладне во полицијата. Засега не се откриваат информации за составот на прашокот.