ВМРО-ДПМНЕ со најавата за блокада на работата на Собранието сака да предизвика предвремени парламентарни избори, смета политичкиот аналитичар Бесим Небиу.

– Очигледно е дека ВМРО-ДПМНЕ сака да предизвика избори, но мислам дека е погрешен начин во овој момент со ваков вид на блокада. Државата треба да се ослободи од методи и модели на политичко делување од 90-тите години. Никого не воодушевува блокада на Собрание, напротив праќа порака дека старите модалитети на делување се живи и здрави. Оттаму, мислам дека Алијанса за Албанците и БЕСА ќе треба да се покажат воздржани кон оваа иницијатива и да продолжат да го користат Собранието како метод на политичко делување, изјави Небиу за Слободен печат.