Јасна Ерцеговиќ не учествувала во составување на договорите за кои ја терети ОЈО, а за тоа имаме сведок кој ќе сведочи во текот на постапката. Ќе докажеме дека таа не присуствувала на средба на која Андријан Амзоски наводно во нејзино присуство дал 350.000 евра за реализација на проект за кој се обвинети лица во предметот „Меѓународен сојуз”.

Од доказите можеме да констатираме дека Јасна Ерцеговиќ не знаела дека Бојан Јовановски, според ОЈО, спровел измама кон фирмата “Дрим билдинг”. ОЈО во обвинителниот акт навело дека Ерцеговиќ немала моќ да ги доведе во заблуда сега оштетените лица. Се што таа работела било од активистички побуди за заштита на лицата со посебни потреби, изјави во уводниот збор нејзиниот адвокат Стефан Павлески.

– Ќе докажеме дека таа не знаела за нечии скриени намери и постапки кои ги опишува ОЈО во обвинителниот акт. Ќе докажеме дека таа била небрежна во случајов – рече Павлески.

Обвинетата Ерцеговиќ пак рече дека од денешна гледна точка и минати 300 дена во домашен притвор не и е јасно која е нејзината активност за извршување на наводната измама.

– До сега не сум сторила измама, ниту ќе сторам – рече Ерцеговиќ.

За случајот „Меѓународен сојуз” обвинети се Бојан Јовановски-Боки 13, Јасна Мандиќ, Фросина Ременски, Миле Јовановски и Христина Блажеска за кривичните дела „измама” и „перење пари”. Судскиот процес го води судијката Софче Гаврилова-Ефремова.

Бојан Јовановски, како прв човек на организацијата Меѓународен сојуз, во предметот е првообвинет за кривичните дела перење пари и за измама, а Ременски е третообвинета за помагање во делото измама. Ерцеговиќ-Мандиќ како заменик-претседателката на Меѓународниот сојуз, Јасна Ерцеговиќ-Мандиќ, и асистентката Блажевска, пак, се обвинети за помагање во двете дела. Таткото на Боки, Миле Јовановски, се товари за помагање во перењето пари, како и неовластено изработување, држење, посредување и тргување со оружје бидејќи при претрес во неговиот дом биле пронајдени три полуавтоматски пиштоли и муниција за кои немал дозвола.

Боки 13: Првата средба со Силјан Мицевски ја договори Кирацовски