Српскиот актер Милан Калиниќ и неговата сопруга Сандра ставија точка на 18-годишниот брак. Иако низ годините беа во центарот на медиумското внимание, тие сега не сакаат да зборуваат многу на оваа тема.

Како што пишуваат српските медиуми, актерот го напуштил семејниот дом во Вождовац, каде што живееше со сопругата и двете деца – ќерката Теа и синот Вук.

Иако признава дека е емотивец, Калиниќ неодамна истакна дека не е човек кој плаче поради жените во неговиот живот.

„Далеку од тоа дека не сум емотивен. Напротив. Но, не плачам поради жените. Ако Црвена ѕвезда изгуби натпревар, тогаш буквално ме боли глава“, рече актерот во поткастот „Антистрес“.

Тој откри дека е слободен и отворен за нови познанства.

„Знаат твоите пријателки, тие многу добро го знаат тоа“, додаде тој, одговарајќи на прашањето за неговиот љубовен статус.

Милан Калиниќ отсекогаш важел за еден од најпосакуваните мажи на регионалната јавна сцена, а во една прилика објасни зошто толку се труди да остане во форма.

„Мажите на моја возраст не разбираат колку е важно да се биде во добра форма, да се грижиш за своето тело, да се храниш здраво, да живееш правилно. Само така сте подобри за себе, за околината, за семејството и затоа сите околу вас се среќни. Најмногу мислам на децата. Ако си добар со себе, добар си и со нив. Не е ни чудо што има толку многу депресија меѓу мажите на моја возраст. Луѓето не разбираат колку е важно да се води уреден и здрав живот“, изјави Калиниќ за „Блиц“.