И покрај тоа што се разведуваат, Бен Афлек оваа празнична сезона се сети на својата поранешна сопруга Џенифер Лопез и ѝ стави подарок под елката.

52-годишниот Бен Афлек ѝ купил книга од Марлон Брандо со автограм на неговата поранешна сопруга Џенифер Лопез, а како што пишува Page Six парот разменил божиќни подароци во неделата, три дена пред Божиќ .

Сопственикот на книжарницата „Mystery Pier Books“, Луис Џејсон, откри за Page Six дека Афлек купил неколку книги во неговата продавница во Западен Холивуд на булеварот Сансет.

Оскаровецот ја избрал книгата пред да замине на ручек со својата поранешна сопруга во Сохо Хаус, кој е резервиран само за членови.

„Бен ѝ ја подари книгата на Џенифер затоа што таа е обожавателка на Марлон Брандо. Дури и нејзиното боди кое го носеше на Супер Боул беше инспирирано од него“, изјави извор за Page Six. „Подароците беа најмногу за децата, неговите и нејзините, но си разменија и неколку ситници еден со друг“, додава упатениот.

„Подароците не беа ништо претерано, повеќе како убав гест по повод празниците. Бен и Џенифер останаа во пријателски односи и покрај бракоразводната парница“, вели изворот.

Како што претходно беше познато, Бен и Џенифер планираат да продолжат да одржуваат контакт и покрај тоа што не се во романтична врска.

„Бен и Џенифер сè уште се поврзани и комуницираат кога се во прашање нивните деца“, неодамна откри извор за Page Six.