Ливерпул во завршницата од преодниот рок ангажираше двајца одбранбени играчи, Бен Дејвис и Озан Кабак. 

Тие не беа први желби на менаџерот Јирген Клоп, туку дојдоа откако „црвените“ не успеаја да доведат неколку играчи кои беа приоритет на германскиот менаџер.

Така, еден од играчите кој го одби Клоп е дефанзивецот на Барселона, Самуел Умтити.

Каталонците беа подготвени да го продадат Французинот кој е незадоволен од минутажата (одигра помалку од 400 минути оваа сезона), но информациите велат дека Умтити не го сакаше трансферот.

Причината е што тој планира да го смени клубот дури на крајот на сезоната, а дотогаш ќе ја избере најдобрата понуда.

На клубот од „Енфилд“ му беа потребни дефанзивци поради повредите на Виржил ван Дијк, Џо Гомез и Жоел Матип.

Кабак на позајмица во Ливерпул, Мустафи го напушти Арсенал