Кошаркарите на Минесота Тимбервулвс го совладаа Голден стејт со 102:97 во третиот натпревар од полуфиналето во НБА плеј-офот на Западната конференција.

Тимбервулвси со триумфот во Сан Франциско поведоа со 2:1 во серијата која се игра до четири победи.

Најефикасен играч во победничкиот тим беше Ентони Едвардс со 36 поени, четири скокови и четири асистенции, додека Џулиус Рендл имаше 24 поени, 12 асистенции и 10 украдени топки.

Џими Батлер беше најдобар играч за домашната екипа со 33 поени, додека Џонатан Камингс постигна 30.

Стеф Кари не играше за Вориорс поради повреда. Следниот натпревар ќе се игра за два дена во Сан Франциско.