Комесарите на НБА и на ВНБА лигите, Адам Силбер и Кети Енгелбет со заедничко соопштение се огласија во јавноста откако денеска рускиот суд ја осуди Бритни Грајнер на девет години затвор поради поседување наркотици.

Грајнер беше уапсена на 17 февруари на московскиот аеродром „Шереметјево“, откако во нејзиниот багаж беше пронајдено масло од канабис кое кошаркарката го користела за лекување, но тоа е забрането во Русија.

– Денешната пресуда е неправедна и несреќна, но не и неочекувана, бидејќи Бритни Грајнер беше погрешно осудена. Посветеноста на ВНБА и НБА за нејзиното безбедно враќање не е намалена и се надеваме дека процесот на нејзиното евентуално враќање во САД е при крај – стои во соопштението на комесарите на НБА и на ВНБА лигите.

WNBA Commissioner Cathy Engelbert and NBA Commissioner Adam Silver issued the following statement regarding Brittney Griner: pic.twitter.com/FMQZsHBDVv

— NBA (@NBA) August 4, 2022

Недолго по изрекувањето на пресудата, американскиот претседател Џозеф Бајден се огласи и побара од властите во Москва веднаш да ја ослободат Грајнер, додека власите на САД и на Русија веќе водат преговори за размена на затвореници и меѓу нив е и кошаркарката која со својата репрезентација два пати го освои златниот медал на Олимписките игри.

Рускиот суд ја осуди американската кошаркарка Грајнер на девет години затвор