Челниците на НБА лигата соопштија дека го сменија корона протоколот кој ќе овозможи скратување на периодот на изолација на кошаркарите позитивни на ковид-19.

Според актуелните правила, кошаркарите кои се позитивни на коронавирус мораа да поминат 10 дена во изолациа, а со новата измена на протоколот, тој период е намален на шест дена доколку играчот нема симптоми и има негативен тест.

Сите 30 НБА екипи во понеделникот беа известени за новите правила, веднаш откако Центарот за контрола и превенција на болести (ЦДЦ), ја намали изолаците на граѓаните на САД од 10 на пет дена.

Според ЦДЦ причина за намалувањето на изолацијата е бидејќи истражувањата покажале дека луѓето позитивни на коронавирус се најзаразни два дена пред и три дена по развојот на симптомите.