Денеска фудбалскиот клуб Вардар ја информираше јавноста дека постигна договор со регионалната спортска телевизиа „Спортклуб“.

Оваа спортска телевизија во иднина ќе ги пренесува домашните натпревари на скопските „црвено-црни“.

– Оваа соработка претставува одлична можност најтрофејниот Македонски фудбалски клуб повторно да биде достапен за сите навивачи, приврзаници и љубители на фудбалот и Вардар во државата, регионот и пошироко – соопштуваат од ФК Вардар.

Вардар кој втора сезона по ред игра во Втората македонска фудбалска лига, ќе се обиде повторно да се врати во елитата, моментно после четири кола е на втората позиција со 10 бодови, два помалку од водечката Воска Спорт.

Како што е веќе познато, на регионалниот спортски канал „Арена Спорт“ се емитуваат мечевите од Првата македонска фудбалска лига.