Наташа мислела дека ја каснал комарец, а имала рак на кожа: Славната пејачка поминала низ вистинска агонија поради плускавец
Наташа Хамилтон (42), членка на познатата британска поп група „Атомик китен“ (Atomic Kitten), откри дека минатата година ѝ бил дијагностициран рак на кожата, откако првите симптоми ги протолкувала како едноставно каснување од комарец.
Препорачано
View this post on Instagram
Пејачката зборувала за своето искуство во емисијата „Добро утро, Британијо“, истакнувајќи дека забележала чешање во грбот по летувањето на Мајорка. На почетокот, таа не придавала важност на промената на кожата, бидејќи верувала дека станува збор за каснување од инсект.
– Бев на одмор, не се сончав многу, бидејќи моето бебе имаше само пет месеци и доев. Едно попладне ја држев во скутот, грбот ми беше на сонце и изгорев. Подоцна истиот или следниот ден, се појави таа точка којашто ме чешаше. Мислев дека тоа е само убод од комарец – рекла Хамилтон.
Како што објаснила, поминале четири недели пред да се посомнева дека нешто не е во ред.
– По неколку недели, чешањето не престануваше. Го замолив сопругот да погледне и кога тој направи фотографија и ми ја покажа, веднаш знаев дека тоа не е каснување. Тоа беше темна мала пега што ја имав со години, не беше испакната, не беше бенка, само мала пега – рекла пејачката.
По прегледот на лекар, било утврдено дека има базалноклеточен карцином (basal-cell carcinoma), најчеста, но и најмалку агресивна форма на рак на кожата. Сепак, и тоа бара соодветен третман.
View this post on Instagram
Сончањето во солариум како тригер
Хамилтон признала дека во младоста често користела солариум, што, според неа, придонело за развој на болеста.
– Луѓето на мои години веројатно се сеќаваат дека пред да излеземе во град, го користевме солариумот за да имаме исончан тен. Ако настапував во емисијата „Топ оф д попс“ или на некој важен ТВ-настан, сакав да изгледам исончано. Секогаш користев забрзувачи за темнеење и речиси секој пат горев во солариумот – рекла пејачката.
Наташа истакнала дека, со оглед на нејзиниот тип кожа 1 (многу светла кожа склона кон изгореници), никогаш не требало да се изложува на толку интензивно УВ-зрачење.
Нејзината мајка ја имала истата болест
Пејачката исто така открила дека и нејзината мајка, Марија, поминала низ истата дијагноза, откако Наташа ја убедила да ја провери дамката на лицето. Иако лекарите првично рекле дека не е ништо сериозно, откако таа побарала преглед кај дерматолог, се покажало дека во нејзиниот случај станува збор и за рак на кожа.
– Денес, целосно го променив мојот начин на живот по дијагнозата на мајка ми. Избегнувам прекумерно изложување на сонце и се грижам за својата кожа – рекла Наташа, мајка на четири деца.
Успешна кариера и нова животна свест
Хамилтон се здоби со меѓународна слава како членка на „Атомик китен“, заедно со Кери Катона и Лиз МекКларон, додека Катона подоцна беше заменета од Џени Фрост. Групата постигна бројни хитови, меѓу кои најпознати се „Whole Again“ и „Eternal Flame“.
По борбата со болеста, пејачката сега го користи својот глас за да ја подигне свеста за важноста на заштитата на кожата, нагласувајќи колку е важно редовно да се следат промените на телото и навреме да се реагира.
View this post on Instagram
