Уште од дента кога за првпат се запознавме, Данте директно истрча кон мене. Кога го погалив тој се измочка од радост. После четири и пол години со Данте се будиме заедно и до ден денес го влажни подот кога ќе се вратам дома и ќе го погалам. Тоа доста го опишува по карактер, 90 отсто емоции, 10 отсто логика. Без помисла се радува на сè што се движи и не се движи, и неуморно е во обид да биде на повеќе места истовремено. Тој ми е како брат и сè уште чекам само да прозбори.