Спортскиот директор на италијанскиот фудбалски клуб Наполи, Мауро Мелуцо ги демантираше информациите за можни трансфери на најдобрите играчи на тимот.

Се шпекулира дека Виктор Осимен и Хвича Кварацхелија наводно би можеле да се преселат во други клубови во зимскиот преоден рок.

– Нема шанси. Апсолутно не. Нашиот тим е многу добар и се чувствуваме смирени. Секако дека можеме да го подобриме, но за тоа ќе разговараме подоцна – рече Мелуцо, цитиран од новинарот Фабрицио Романо.

По девет кола Наполи е на петтото место во италијанската Серија А со 17 бодови. Во Лигата на шампионите, тимот на Руди Гарсија е втор во групата „Ц“ зад Реал Мадрид.

Што се однесува до македонскиот репрезентативец Елиф Елмас барем од стартот на оваа сезона нема голема минутажа, во италијанскиот шампионат до сега помина само 86 минути на терените. „Дијамантот“ има важечки договор со клубот од Неапол до 30 јуни 2025 година.