„Вашингтон пост“ на своите читатели им предлага девет дестинации за летен одмор со помала гужва, а на листата се најде и Албанија.

Наместо Миконос, пробајте ја Албанија, предлага Натали Б. Комптон во својата статија. Грција е високо рангирана за американските патници ова лето, вели новинарката, а грчкиот министер за туризам Василис Кикилијас предвидува 10 до 20 отсто повеќе посетители во земјата оваа година во однос на минатата година. Грчкиот остров Миконос беше главната меѓународна дестинација во тренд на Airbnb за американските корисници, пишува Комптон, бидејќи ја предлага Албанија како алтернатива за тоа, пишува Еуро Њуз Албанија.

„Со кристално чиста вода и пристапни цени, пробајте го северниот сосед на Грција, Албанија. Ќе најдете медитерански плажи долж албанската ривиера, а во внатрешноста, планините се идилични за пешачење, возење велосипед и антички градови“, пишува таа во својата статија.

Веста на својата Фејсбук страница ја сподели и премиерот Еди Рама.

„Тука е и медиумскиот гигант Вашингтон пост, кој ја пофали туристичката Албанија, која на читателите им е предложена како најдобра алтернатива дури и во споредба со супер познатиот соседен Миконос, повикувајќи ги да го пробаат уникатното искуство покрај албанското крајбрежје со кристални плажи, антички градови и планини совршени за спортови во природа, како најкомплетниот пакет на одржлив туризам, наместо познати, но и пренаселени медитерански дестинации“, вели премиерот.

Написот предлага други алтернативи за оние кои претпочитаат да избегнуваат поголеми гужви, како што се Буенос Аирес наместо Париз, Монтреал наместо Њујорк, Лафлин наместо Лас Вегас, Костарика наместо Канкун, Торино и Сардинија наместо Рим и Амалфи, Осло наместо Лондон и Св. Августин или долината на Хадсон наместо Орландо.

Експертите од индустријата предвидуваат дека летото 2023 година ќе биде најпрометно на аеродромите во последните децении, пишува Вашингтон пост и покрај значително повисоките трошоци.