Извршниот директор на Стопанската комора Антони Пешев, вечерва во емисијата „Бизнис 21“ на ТВ21 рече дека на земјава веројатно ѝ престои уште една енергетска криза од многуте кои се случија во изминатиот период.

„Сметам дека ни престои уште една енергетска криза. Според последните информации, растот на цената на природниот гас ќе биде 13-14%, и тоа ќе повлече покачување на цената на нафтата и поскапување на енергенсите и тоа би значело повторно криза. Ни претстои период во кој е можно зголемување на енергенсите, што за нас како увозно зависна држава во однос на енергијата, би значело повторно некоја од тие илјада кризи кои ги преживеавме во краток временски период. Се надевам дека ова ќе биде само времена мерка и е директно врзана со последните одлуки на администрацијата во САД, која прави големи пореметувања на сите пазари, вклучително и на енергијата“, рече Пешев.