Најстарата џиновска панда во Јапонија, Тан Тан, почина на 28-годишна возраст во зоолошката градина во Кобе, пред планираното враќање во Кина, кое беше одложено пред неколку години поради лекување, соопшти денеска управата на таа зоолошка градина.

Пандата Тан Тан била донесена од Кина во зоолошката градина Оџи во 2000 година со цел да се подобри репродуктивниот процес, наведува агенцијата „Кјодо“.

Пандата требаше да биде вратена во својата земја во јули 2020 година, но патувањето на Тан Тан во Кина беше одложено поради пандемијата на коронавирусот.

Japan’s oldest giant panda, Tan Tan, has died at the age of 28 — which translates to roughly 100 human years. https://t.co/50Olv5IvUQ

— The Japan Times (@japantimes) April 1, 2024

Во 2021 година, зоолошката градина објави дека Тан Тан прима лекови за срцева болест, а пандата, по дискусиите меѓу управата на зоолошката градина и кинеските претставници кои ја признаа потребата од медицински третман и ги признаа ризиците од транспорт на постаро животно, остана во Јапонија.

Не е сигурно колку долго живеат џиновските панди во дивината, но научниците се сигурни дека тие живеат пократко отколку во заробеништво. Некои примероци во зоолошките градини живееле подолго од 35 години. Апсолутен рекордер е женка по име Џиа Џиа од „Оушн парк“ во Хонг Конг, која почина на 38-годишна возраст.