Репрезентацијата на Сан Марино како и што се очекуваше беше поразена на сите десет натпревари во квалификациите за Европското првенство, но најслабо рангираната репрезентација на ФИФА ранг листата (211) испиша сопствена историја.

До историски резултат Сан Марино стигна со голот против Финска во 97. минута од пенал. Со тој гол оваа репрезентација првпат во својата историја постигна гол на три натпревари во низа.

Претходно постигнуваа голови во поразите против Данска и Казахстан. Сан Марино вкупно во својата историја одигра 194 натпревари, а победи само на една средба, против Лихтенштајн во пријателски натпревар во 2004 година.

Но, нивни најважен резултат во историјата е ремито без голови против Турција во 1993 година. Најдобар стрелец во историјата на репрезентацијата е Енди Селва кој на 73 натпревари постигна осум гола во период од 1998 до 2016 година.

Во квалификациите за Европското првенство играа во група со Словенија, Данска, Финска, Казахстан и Северна Ирска.

San Marino has done it again! 3 goals in 3 games! ?? pic.twitter.com/Kp8itrv7eb

— Pennant Sports (@PennantSprts) November 20, 2023