Приврзаноста не е особина која често им ја припишуваме на мачките, иако тие можат навистина да бидат лојални како кучињата.

Секоја мачка има уникатен карактер, но одредени раси се одгледуваат за да бидат лојални придружници на нивните сопственици.

Ако барате мачка која е секогаш гушкачка и ќе биде во чекор со вас, можеби ќе ви се допадне една од овие седум пријателски раси препорачани од експерти.

Рагдол

Мачките од расата рагдол се одлични миленици. Тие се многу приврзани за нивните сопственици и внимателно ги следат. Тие се согласуваат со деца и други животни.

Шкотски фолд

Иако се најпознати по своите уши, овие мачки се многу социјални и не сакаат да бидат сами. На овие мачки им се потребни сопствениците кои поголемиот дел од своето време ќе го поминуваат во нивното друштво.

Сфинкс

Сфинкс мачките се многу интелигентни и екстровертни. Тие ги обожаваат луѓето и сакаат секој момент да го поминуваат со своите сопственици.

Мејн кун

Овие мачки можеби изгледаат застрашувачки поради нивната големина, но тие се всушност многу пријателски расположени. Без разлика што прави нивното семејство. Ова се мачки кои треба да бидат вклучени во сè. Обожуваат луѓе од сите возрасти, а исто така се многу интелигентни.

Персиска мачка

Персиските мачки се една од најпопуларните раси ширум светот и јасно е зошто. Овие прекрасни мачки со долго влакно се смирени и многу приврзани кон нивните сопственици. Сакаат да се гушкаат и да се релаксираат со членовите на своето семејство.

Сијамска мачка

Сијамските мачки се многу социјални. Нивниот елегантен изглед, нежност и екстровертност ги прават омилени меѓу љубителите на мачки.

Бомбајска мачка

Бомбајските мачки се идеални миленици доколку сакате постојано друштво во домот. Црното крзно и жолтите очи им даваат впечатлив изглед, а исто така се и многу разгалени и разиграни.