Истражувањето спроведено од професорот Мајлс Ричардсон од Универзитетот во Дерби сугерира дека луѓето се изложени на ризик од „исчезнување на искуството со природниот свет“ освен ако не се преземат нови мерки, објави „Гардијан“.

Компјутерските модели предвидуваат дека поврзаноста на луѓето со природата ќе продолжи да се намалува освен ако не се воведат различни политики и промени во однесувањето, како што се често носење на децата во природа и зелените површини во урбаните области.

Во студија објавена во списанието „Земја“, Ричардсон, исто така, укажа на губењето на концептите поврзани со природата од книгите помеѓу 1800 и 2020 година, со тренд што го достигна својот врв во 1990 година, но сега се забележуваат некои позитивни промени.

„Врската со природата сега е прифатена како клучна причина за еколошката криза“, вели научникот, додавајќи дека оваа врска е исто така од витално значење за нашето ментално здравје.

Според него, трансформацијата е потребна ако сакаме да го промениме односот на општеството со природата.

Како што истакна научникот, иако зголемувањето на зелените површини во градовите за 30 отсто изгледа како напредок, истражувањата покажуваат дека на еден град би му требало 10 пати повеќе зелени површини.

Според заклучоците од студијата, поефикасни мерки се подигање на свеста и поминување време со мали деца и семејствата во природа.

Истражувањата покажаа дека жителите на британскиот град Шефилд поминуваат просечно само четири минути и 36 секунди дневно во природна околина.

Ричардсон заклучи дека работата со родителите и децата да се фокусираат на поминување време во природа е клучна.