Фудбалерот на Борусија Дортмунд, Марко Ројс нема да биде дел од Светското првенство во Катар поради повредата која ја заработи на последниот натпревар за „милионерите“.

Повредата на Ројс дојде на само две недели пред почетокот на Мундијалот во Катар и го потврди податокот дека е најмалерозен фудбалер на денешницата. Поради повреда Ројс не настапи на Светското првенство во Бразил во 2014 година каде што Германија ја освои четвртата титула.

Поради повреди ги пропушти двете Европски првенства во 2016 и 2020 година. Единственото големо натпреварување на кое имаше среќа да настапи беше Мундијалот во Русија во 2018 година. Сепак, таму Германците не се прославија и испаднаа уште во груната фаза.

Засега не е познато колку време најновата повреда ќе го одалечи Ројс од терените.