Најголемиот син дијамант некогаш ставен на аукција би можел да достигне цена од 50 милиони долари на продажбата на ретки скапоцени камења во Женева на 7 ноември, соопштиле аукциската куќа „Кристис“.

Познат како „Сина кралска“ (Blue Royal), овој живописен син дијамант, е еден од најретките откриени досега.

„Она што го прави „Blue Royal“ толку редок и посебен е неговата големина. Со 17,6 карати, тој е најголем од ваков вид“, вели Рахул Кадакија, меѓународен шеф за накит на „Кристис“. Аукциската куќа „Кристис“ во 2016 година продала редок син дијамант од 14,6 карати познат како „Опенхајмер син“ (Oppenheimer Blue) за повеќе од 57 милиони долари. Се надеваме дека овој ќе го победи Опенхајмер“, изјавил Кадакија.

На посебна онлајн аукција која ќе трае од 3 до 16 ноември, „Кристис“ ќе понуди бисерен ѓердан што го носела филмската и модна икона Одри Хепберн во последната сцена на филмот „Празникот во Рим“ (Roman Holiday) од 1953 година.

„Го проценивме од 20.000 до 30.000 долари, така што сумата е разумна. Секој може да биде Одри Хепберн“, рекол Кадакија.

На аукција ќе се најде и рачниот часовник „ролекс“ што го носел Марлон Брандо во филмот „Апокалипса сега“ (Apocalypse Now) од 1979 година, на чиј заден дел актерот го изгравирал својот потпис, за да не дојде со случајна замена зво текот на снимањето.

„Навистина е извонредно да се поседуваат тие предмети коишто припаѓале на неверојатни актери – „ролексот“ на Марлон Брандо и ѓерданот на Одри Хепберн“, рекол Гилемин.