По скопскиот спектакл, македонската сениорска репрезентација ги продолжува подготовките за настапот на Светското првенство во Полска и Шведска (11-29 јануари 2023).

Избраниците на селекторот Кирил Лазаров во следниот период ќе играат во Пореч, на меѓународниот турнир „Кроација куп“ во Хрватска.

Домаќините веќе го најавија турнирот кој ќе се организира од 6 до 8 јануари, а на истиот ќе бидат и селекциите на Македонија и Израел.

Првиот дуел нашите ракометари ќе го имаат на 6 јануари со почеток од 20.15 часот против Хрватите, а во истиот термин на 7 јануари ќе ги одмерат силите и против Израелците.

По овој турнир, македонската репрезентација ќе се врати во Скопје каде што ќе ги има завршните подготовки пред да отпатува за Краков, Полска, каде што ќе ги игра мечевите од групната фаза редоследно против Норвешка, Холандија и Аргентина.