Пилешкото со ориз и брокула е совршено балансиран летен оброк. Ќе ве наполни со енергија и ќе ви ги обезбеди потребните протеини!

Комбинацијата на овие состојки обезбедува балансиран внес на протеини, јаглехидрати, масти, витамини и минерали, што е од суштинско значење за оптимално здравје и добро функционирање на телото.

Состојки:

– 400 грама пилешки гради, исечени на мали парчиња
– 1/2 црвен кромид
– 2 ситно сечкани чешниња лук
– 1 дл маслиново масло
– сол и бибер
– Чаша ориз
– 2 брокули
– 2 чаши вода
– 150 грама рендано сирење

Подготовка:

Во голема тава загрејте го маслиновото масло и пропржете го црвениот кромид. Зачинете го пилешкото со бибер и сол, па додајте го во тавата кога кромидот ќе омекне. Кога пилешкото ќе порумени, додајте малку лук и пржете уште 2 минути.
Поместете го пилешкото околу работ на тавата, а во средината додадете уште малку масло. Во загреаното масло додадете малку суров ориз и кратко пропржете го. Потоа додајте две чаши вода, измешајте ги сите состојки од тавата и варете околу 10 минути. Додајте ја сечканата брокула и варете уште 10 минути со повремено мешање.
Кога брокулата и оризот ќе омекнат, тргнете ја тавата од оган. Сирењето изрендајте го на топла чинија и оставете да се растопи, па послужете го топло.