Дали има нешто послатко од парче леб со џем? Сигурни сме дека ќе се согласите со нас дека тоа е комбинација што одлично оди за појадок, вечера и ужина! Секако, не е важно за каков вид џем станува збор – секогаш претпочитаме домашен џем отколку купен од продавница и сме среќни кога во нашиот дом ќе се најде внимателно спакувана тегла. А бидејќи е сезона на јагоди, ви носиме рецепт за тоа како сами да направите џем, рецепт што нема да ви одземе премногу време.

Состојки:

– 3 кг јагоди
– 1,5 кг кристал шеќер
– 1 лимон

Подготовка:

Јагодите исчистете ги, измијте ги и исечкајте ги ситно. Третина од сечканите јагоди наредете на чинија, па одозгора ставете шеќер и повторувајте го процесот додека имате јагоди и шеќер.
Оставете ги јагодите десетина минути за да пуштат сок. Таквата смеса префрлете ја во тенџере и почнете со варење. По половина час варење, додајте лимон. Кога ќе почне да врие, отстранувајте ја пената со лажица. Продолжете со варење до посакуваната густина.
Измијте ги теглите и ставете ги во рерна на 90 степени.
Врелиот џем ставајте го во врелите тегли. Убаво затворете ги.
Добар апетит!