Нутриционистите често се „колнат“ во рибата како намирница која обезбедува голем број здравствени придобивки.

Бидејќи рибата е богата со есенцијални хранливи материи како што се омега-3 масни киселини, висококвалитетни протеини и низа витамини и минерали, таа обично е здрав избор во целокупната урамнотежена исхрана.

Меѓутоа, не се препорачува секој вид риба од хранлива перспектива.

„Не сите риби се еднакви кога станува збор за нивниот придонес во исхраната, така што изборот на одредена риба може да биде покорисен за вашето здравје“, рече Мишел Рутенштајн, кардиолошки диететичар во EntirelyNourished.com.

Постојат риби кои заслужуваат редовно место на вашата трпеза, но и такви кои треба да се избегнуваат.

Најдобрата риба за вашето здравје:

Лосос

Постојат добри причини зошто оваа риба е толку сакана од здравствените работници.

„Лососот е најздравата риба, со висока содржина на омега-3 масти, кои му помагаат на кардиоваскуларното и здравјето на мозокот, а исто така е богата со протеини“, вели Лаура Рајт, регистриран диететичар и нутриционист и професор на Универзитетот во Јужна Флорида.

Рајт вели дека истражувањата покажуваат дека консумирањето омега-3 масти ги намалува шансите за развој на срцеви болести.

„Понатаму, омега-3 обезбедува намалување на високиот крвен притисок и значително намалување на триглицеридите“, додава Рајт.

Покрај кардиоваскуларните придобивки, омега-3 има и антиинфламаторни својства, што ги прави корисни за оние кои страдаат од артритис, вели нутриционистката.

Поради сите овие и повеќе причини, веројатно е добра идеја да додадете храна богата со омега-3 масти во вашата исхрана, без разлика дали тие потекнуваат од морските плодови за која се дискутира овде или преку ореви, ленено семе и прокељ. Се разбира, ако вашиот лекар се согласи со тоа.

Остриги

Шмукајте ги и грицкајте ги овие добри школки, велат нутриционистите.

„Остригите, како лососот и сардините, се богати со омега-3 масти, а исто така и со железо. Тие се добри и за животната средина. Сепак, едно предупредување – никогаш не јадете сирова морска храна“, рекла Рајт.

Сардини

Како што истакна Рутенштајн, сардините се богати со ЕПА и ДХА, омега-3 масни киселини, кои имаат антиинфламаторни придобивки за здравјето на срцето.

„Сардините имаат и уникатен нутритивен профил бидејќи се богати со калциум, кој помага за здравјето на коските и правилното функционирање на срцето“, вели таа.

Покрај тоа што ги фали сардините дека се преполни со омега-3 масти, Рајт додава дека сардините се богати со витамин Д и исто така се евтини.

Иверак

Иверак е богат со селен, според Рутенштајн, кој е антиоксидант за срцето и ги намалува воспаленијата и оксидативниот стрес.

„Иверак е исто така добар извор на витамин Б6, кој е корисен за здравјето на имунитетот, нервите и црниот дроб“, додала таа.

Црвена риба (Red Snapper)

„Не толку популарна риба на овие простори, црвената риба е богат извор на калиум. Калиумот помага за подобрување на крвниот притисок и здравјето на артериите“, вели Рутенштајн, истакнувајќи дека оваа риба е исто така добар извор на протеини и витамини од групата Б.

„Најлошата“ риба за вашето здравје
Риба лист

Рибата лист носи ризик од бројни загадувачи (контаминации), а содржи малку од хранливите материи кои се здрави за срцето, како што се омега-3, калиум и магнезиум, предупредува Ротенштајн.

„Исто така, има висока содржина на натриум во однос на калиумот, што може да го зголеми нивото на крвниот притисок“, рекла таа.

Одгледувана тилапија

Уште една риба од која можеби би сакале да ја избегнувате е одгледуваната тилапија, која „содржи високи нивоа на опасни материи, антибиотици и омега-6 масни киселини кои можат негативно да влијаат на здравјето“, вели Рутенштајн.

Портокаловата груба риба

Позната и како црвена груба (Hoplostethus atlanticus), оваа риба не е толку популарна на нашите простори, а тоа не е толку лошо.

„Оваа риба има долг животен век, што значи дека често собира многу загадувачи во текот на својот живот, вклучувајќи високо ниво на жива“, вели Рајт.

Ајкула

Риболовот на ајкула не е добар ниту за вашето здравје, ниту за животната средина, велат експертите, пренесува „Фокс њус“.

„Ајкулата има многу висока содржина на жива, која е невротоксин. Трудниците и децата треба целосно да ја избегнуваат. Понатаму, популацијата на ајкули опаѓа и треба да се воздржиме од риболов“, вели Рајт.

Напомена за туната

Туната, додаваат, може да биде контроверзна како намирница.

„Туната е богат извор на витамини Б6 и Б12, кои помагаат во одржувањето на имунолошкото, хормоналното и нервното здравје“, рекла Рајт.

Меѓутоа, туната не е одличен извор на антиинфламаторни омега-3 масни киселини, додала таа.

Таа содржи и високо ниво на жива, па ако уживате во неа, обидете се да ја ограничите на еднаш или двапати неделно, продолжила Рајт.

Поради високата содржина на жива, одредена популација, како што се малите деца и жените кои се бремени или дојат, можеби ќе мора целосно да ја избегнуваат.