Нагасаки на 80-годишнината од бомбардирањето ќе ги повика „сите земји“, меѓу кои и Русија, Белорусија и Израел
Градоначалникот на Нагасаки Широ Сузуки објави дека градот ќе покани претставници од сите земји и региони на комеморацијата за мир по повод 80-годишнината од атомското бомбардирање на градот.
Препорачано
Поканата е до 157-те земји и региони што имаат дипломатски мисии во Јапонија ќе ги вклучи Русија, Белорусија и Израел, кои беа исклучени минатата година.
Градоначалникот рече дека сака сите претставници да ги видат бруталните последици од употребата на атомско оружје како лекција во време на растечки поделби и конфликти.
Соединетите Американски Држави ја „фрлија“ втората атомска бомба врз Нагасаки на 9 август 1945 година, три дена по првото бомбардирање на Хирошима, при што загинаа повеќе од 210.000 луѓе.
Јапонија се предаде на 15 август, со што заврши Втората светска војна и нејзината речиси половина век агресија низ Азија.
Сузуки рече дека неговиот град се враќа на својата „фундаментална цел“ на церемонијата, да им оддаде почит на жртвите од атомската бомба и да се моли за траен светски мир.
-Сакаме да одиме подалеку од националните граници, да ги надминеме идеолошките разлики и сите други поделби за да имаме глобални претставници што ќе се соберат во Нагасаки- рече Сузуки.
Тој додаде дека во време на влошување на поделбите во меѓународното општество, посилно од кога било чувствува дека е важно претставниците на сите земји да учествуваат на комеморацијата за мир во Нагасаки и да ги увидат ужасните и нехумани последици од употребата на нуклеарно оружје преку свои очи, уши и срца.
Сузуки не го покани Израел на минатогодишната комеморација, наведувајќи загриженост од „непредвидливи ситуации“ како што се насилните протести поради војната во Газа што би го попречиле споменикот.
Но, исклучувањето на Израел предизвика критики и бојкот од амбасадорите на САД и пет други земји од Групата од седум – Канада, Франција, Германија, Италија и Велика Британија – и Европската Унија.
Русија и нејзиниот сојузник Белорусија не беа поканети на комеморативниот настан во Нагасаки од 2022 година, по почетокот на војната на Москва со Украина.
