Рафаел Надал обезбеди пласман во четвртото коло откако за неполни три часа го победи Карен Качанов со 3:1 во сетови и тоа 6:3,6:2,3:6,6:1.
Ова воедно беше прв меч на Надал во Мелбурн на кој загуби сет, но и покрај тоа прикажа доминантна игра против рускиот тенисер.

Во првиот сет на Надал му беше доволен еден брејк за да поведе со 1:0. Во вториот сет Шпанецот беше уште подобар, направи брејк уште во првиот гем, а потоа уште еден за водство од 4:1 што значеше и 2:0 во сетови.

Русинот се разигра во третиот сет, беше поагресивен на сервис на Надал и таквата игра му вроди со плод во четвртиот гем и намали на 2:1 во сетови.
Загубата на сетот го налути Надал во наредниот сет направи два брејка и на доминантен начин со совлада Качанов.

Убедлив настап во третото коло имаше и вториот носител Александер Зверев кој во три сета и тоа со 6:3,6:4,6:4 го победи Албот и си закажа пресметка во четвртото коло со Денис Шаповалов кој со 3:1 во сетови го победи Рејли Опелка.

Маратонски меч кој траеше 250 минути одиграа Матео Беретини и Пабло Алкараз. На крајот славеше Беретини во пет сета 6:2,7:6,4:6,2:6,7:6