Во интервјуто за британскиот „Телеграф“, Рафаел Надал зборуваше за италијанскиот тенисер Јаник Синер и сè што се случи во претходната година кога станува збор за неговата казна за допинг.

На крајот, Синер доби тримесечна казна, практично дури и не ја почувствува.

– Убеден сум дека Јаник никогаш не се обидел да измами или да стекне неправедна предност над другите. Сигурен сум не само дека е невин, туку и дека е чесен човек – изјави Надал.

Тој исто така смета дека случајот треба да се затвори не само на суд, туку и во медиумите.

– Овој случај не беше добар за нашиот спорт. Но, вакви работи се случуваат понекогаш, се случуваат несреќи. Јас го гледам тоа на тој начин бидејќи верувам во Јаник. Секако, не сакам да ја доведувам во прашање пресудата. Постојат протоколи што сите ние ги следевме во текот на нашите кариери. Во овој случај, властите ги имаа сите информации, не само информациите што ги имаме ние – а тоа често може да биде ограничено и субјективно. Верувам во пресудата. Јаник ја прифати тримесечната суспензија и затоа случајот е затворен – се зборовите на Надал.

Што се однесува до другите теми, забележуваме дека Надал зборуваше и за можно враќање на теренот.

– Сè уште не сум нашол момент во мојот секојдневен живот за да најдам мотивација повторно да играм. Можеби во иднина, ако најдам некоја причина да го направам тоа, би можел да одиграм егзибициски меч или нешто слично. Но, засега, тој момент сè уште не е дојден – рече Шпанецот.